ՆԱԽԱԳԾԱՅԻՆ ՈւՍՈՒՄՆԱՌՈՒԹՅՈՒՆ

Տիեզերքը հեռու է թվում, բայց հունիսի 17-ին այն կարող է շատ մոտ լինել։

Project IBL թիմը սիրով հրավիրում է ձեզ CanSat նանոարբանյակի ուսումնականհավաքածուի։

📅 Հունիսի 17

🕔 14:00

📍 Woods կենտրոն

CanSat-ն ուսումնական հավաքածու է, որը հնարավորություն է տալիս աշակերտներին՝ գործնական փորձի միջոցով ծանոթանալու օդատիեզերական ինժեներիայի հիմունքներին։

Մեր նախագծի նպատակն է ցույց տալ, որ տիեզերքը հեռու և անհասանելի չէ․ այն կարելի է ուսումնասիրել, հասկանալ և նույնիսկ տեսնել ձեռքի ափի մեջ։

Ներկայացման ընթացքում կխոսենք նախագծի գաղափարի, ստեղծման ընթացքի և կրթական հնարավորությունների մասին, ինչպես նաև տեղում կկատարենք արբանյակի թեստավորում։

Սպասում ենք ձեզ՝ միասին բացահայտելու գիտության, տեխնոլոգիաների և տիեզերքի աշխարհը։

🎲✨ Երբևէ մտածե՞լ եք, թե ինչ կլինի, եթե սեղանի խաղ ստեղծեք զրոյից։ Ի՞նչ իրավիճակ կդնեք կենտրոնում, ի՞նչ կերպարներ կծնվեն ձեր երևակայությունից, ի՞նչ կանոններ կսահմանեք։ Ա՜յ քեզ ԻՐաՎԻՃԱԿ։ Հետաքրքրե՞ց։ 🤔

Եթե այո՛, ապա սպասում ենք ձեզ «ԻՐաՎԻՃԱԿ» սեղանի խաղի շնորհանդեսին։

📅 Հունիսի 19-ին՝ ժամը 18։30-ին,

📍 Library for Architecture  (Թումանյան փ., 2-րդ փակուղի, տուն 7)

🃏 Խաղ, որն ամբողջությամբ ստեղծվել է «Այբ» դպրոցի «Արվեստանոց» ակումբի աշակերտների կողմից։

🎨 Շնորհանդեսի ընթացքում կծանոթանաք խաղաստեղծման գործընթացին, կտեսնեք խաղի տպագրված տարբերակը և հնարավորություն կունենաք դառնալու դրա առաջին խաղացողներից։

 Սիրով սպասում ենք ձեզ ...

«Մուլտիմեդիա» նախագծային ուսումնառության ակումբը սիրով հրավիրում է մասնակցելու 2025–2026 ուսումնական տարվա ընթացքում ստեղծված «Ինքնության քարտեզ» հեռուստաֆիլմի պրեմիերային։ Ֆիլմը ստեղծել են ակումբի անդամ աշակերտները ինքնության, արժեքների, հիշողության և պատասխանատվության թեմաներով  իրենց վարած հարցազրույցների արդյունքում։

«Ինքնության քարտեզը» պատմություն է այն արժեքների մասին, որոնք ձևավորում են մարդուն և հասարակությանը։ Ֆիլմում ներկայացված են տարբեր ոլորտներում գործող մարդիկ, որոնց կյանքի օրինակների միջոցով բացահայտվում են հոգատարության, նախաձեռնողականության, պատասխանատվության, բարեխոհության, հավասարակշռության, զգոնության, ճանաչողության և արարելու սկզբունքները։

📅 Հունիսի 20
🕕 18:00
📍 Կինո Մոսկվա, Կարմիր դահլիճ

Պրեմիերան կցուցադրվի երկու սեանսով, որպեսզի ավելի շատ հանդիսատեսներ հնարավորություն ունենան դիտելու ֆիլմը։

Սիրով սպասում ենք ձեզ՝ միասին բացահայտելու մեր սերնդի արժեքային քարտեզն ու այն պատմությունները, որոնք ձևավորում են մեր ինքնությունը։

Ի՞նչ է պատահում մշակույթին, երբ այն ստիպված է անցնել սահմաններից այն կողմ։

«Արմատներ` սահմաններից անդին» (Roots Beyond Borders) նախագիծը արվեստի և արհեստական բանականության միջոցով վերաիմաստավորում է Արցախի մշակութային ժառանգությունը՝ ցույց տալով, թե ինչպես կարող են հիշողությունը, ինքնությունն ու մշակույթը շարունակել ապրել նոր ձևերով։

Ցուցահանդեսում ներկայացված են զարդերի, տեքստիլի, կերամիկայի, խճանկարների, վիտրաժների և այլ ժանրերի ստեղծագործությունների կոնցեպտներ, որոնք մշակութային ժառանգությունը տեղափոխում են ժամանակակից կյանք։

Ցուցահանդեսի ընթացքում ունենալու ենք՝

✨ պանելային քննարկում՝

«Երբ մշակույթը վտանգված է, կարո՞ղ է տեխնոլոգիան պահպանել հիշողությունը» թեմայով.

✨ արցախյան երգերի ուսուցում։

Սիրով հրավիրում ենք միանալու մեզ և բացահայտելու, թե ինչպես կարող են արմատները շարունակել ապրել՝ նույնիսկ սահմաններից դուրս։

📅  Հունիսի 22

🕕17:30

📍Art Embassy Gallery, Սայաթ-Նովա 28