Երաժշտության և տեսողական արվեստի փոխկապակցվածությանն է նվիրված այս տարվա նախագիծը։ Նախագծի ընթացքում ակումբի անդամները ուսումնասիրել են երաժշտական ալբոմների շապիկներ և բացահայտել դրանց կապը երաժշտության բովանդակության հետ։ Տարեվերջյան համերգի ժամանակ ակումբը բացահայտեց ռոք երաժշտության և տեսողական արվեստի սինթեզը, արտաքին տեսքի և ներքին բովանդակության կապերը, ալբոմների շապիկների պատմությունն ու զարգացումը: Բացի ավանդական դարձած տարեվերջյան ուսումնական համերգից՝ ակումբը համերգներով հանդես եկավ «Կերոն» հիմնադրամի կողմից կազմակերպած «Երաժշտական մետրո»-ի, դպրոցական ֆիլարմոնիայի, ինչպես նաև Լսարան կրթական կոնֆերանսի և փառատոնի և Newmag ամառային թառատոնի շրջանակում։