Ակումբի մասնակից աշակերտները 2024-2025 ուսումնական տարում նախաձեռնել և ստեղծել են «Հաղթանակի ետնաբեմում» մոտիվացիոն ֆիլմը հայկական սպորտի և հայ մարզիկների մասին։ Աշակերտները նախագծի շրջանակում փորձել են տեսնել այն, ինչ հաճախ մնում է տեսախցիկներից դուրս՝ վախ, ցավ, ուժ, անկում, վերականգնում ու նորից փորձելու վճռականություն։ Աշակերտների նպատակն է նաև ֆիլմի շնորհիվ հետաքրքրություն առաջացնել սպորտի հանդեպ։ Ֆիլմի շնորհանդեսից առաջ աշակերտները նախաձեռնել էին պանելային քննարկում՝ անվանի մարզիկների մասնակցությամբ։ Հյուրերն էին նշանավոր ծանրորդ Նազիկ Ավդալյանը, գեղասահորդ Վիկտորիա Տեր-Մինասյանը, մարմնամարզիկներ Համլետ Մանուկյանը և Մամիկոն Խաչատրյանը, Հայաստանի ֆուտբոլի ազգային հավաքականի ավագ Վարազդատ Հարոյանը։ Հյուրերի շարքում էր նաև լրագրող Վարվառա Հայրապետյանը։