Ակումբի անդամները մեկ տարի շարունակ ուսումնասիրել են հագուստի դիզայնը՝ սկսելով գաղափարից, անցնելով գծագրերի ու նմուշների ստեղծման փուլով և ի վերջո ձևավորելով սեփական հավաքածուն՝ WishUp-ը, որը հայկական ինքնության յուրօրինակ և ժամանակակից ներկայացումն է՝ երիտասարդների համար նախատեսված հագուստի միջոցով։ Հավաքածուն կապսուլային է. սկսված է դրա վաճառքը, իսկ հաջորդիվ հավաքածուի նմուշները կարող են դառնալ «Այբ» դպրոցի հուշանվերների խանութի մաս։

Նախագծի նպատակն է հայկական մոռացված պատմամշակութային խորհրդանիշներից մեկը՝ վիշապը (վիշապաքարը), նորովի մատուցել նորաձևության ոլորտում։